Ҳиндистонда бўлиб ўтган икки кунлик учрашувдан сўнг G20 ташқи ишлар вазирлари ҳужжатнинг барча бандларидан иккитаси бўйича келишувга эриша олмадилар. Бу ҳақда Ҳиндистон ташқи ишлар вазири Субраманям Жайшанкар матбуот анжумани чоғида маълум қилди.

Қайд этилишича, ҳужжат бандлари яқин орада G20 раисининг хулосаси сифатида эълон қилинади.

“Хулоса қилиб айтадиган бўлсак, биз тез орада эълон қиладиган натижалар тахминан 95 фоиз, қандай келишув бўлганини энди кўришингиз мумкин. Фақат иккита нуқтада биз келишувга эриша олмадик. Томонлар кўп жиҳатдан умумий фикрга кела олишди”, – дейди Жайшанкар.

Таъкидланишича, Ҳиндистон G20 ташқи ишлар вазирлари учрашувидан сўнг йиғилишнинг кутилган коммуникеси ўрнига раислик хулосасини қабул қилди.

Эслатиб ўтиш мумкин, 1-2 март кунлари Янги Деҳли шаҳрида G20 ташқи ишлар вазирларининг йиғилиши бўлиб ўтди. Унда гуруҳга аъзо мамлакатлар ташқи ишлар вазирлари, шунингдек, Ҳиндистон томонидан махсус таклиф этилган вазирлар ва халқаро ташкилотлар иштирок этган.

Ҳиндистон аввалроқ Нигерия, Бирлашган Араб Амирликлари, Уммон, Сингапур, Испания, Бангладеш, Миср, Маврикий ва Нидерландия вазирларини саммитга таклиф қилган эди.

Ҳиндистон G20 раислигини ўтган йилнинг 1 декабрида қабул қилган. Янги Деҳли ўз раислиги даврида 200 дан ортиқ гуруҳ йиғилишларини ўтказади, бироқ ТИВ учрашуви 9-10 сентябр кунлари Ҳиндистон пойтахтида бўлиб ўтадиган G20 етакчиларининг якуний саммити олдидан энг муҳим тадбирлардан бири бўлиб, шундан сўнг раислик Бразилияга топширилади.

• G20
• Ҳиндистон
• Хитой
• саммит