Кеча, 19 феврал куни Британия кино ва телевидение санъати академиясида йиллик BAFTA мукофотларини топширишга бағишланган тантанали маросим бўлиб ўтди.

Маросимнинг бош мукофоти, яъни йилнинг энг яхши фильми учун мукофот ғолиби Эдвард Бергер томонидан суратга олинган “Ғарбий фронтда ҳамма тинч” немис ҳарбий драмаси бўлди. Шунингдек, фильм “Энг яхши хорижий фильм”, “Энг яхши режиссёр”, “Энг яхши саундтрек”, “Энг яхши операторлик иши”, “Энг яхши овоз” ва бошқа мукофотларга сазовор бўлди. Ҳаммаси бўлиб лойиҳа еттита ҳайкалча олди, бу таҳлилчилар назарида бўлажак "Оскар" мукофотларини қўлга киритиш имкониятларини сезиларли даражада оширди.

Йилнинг энг яхши анимацион лойиҳаси деб Гилермо дел Торонинг “Пиноккио” фильми топилди. Энг яхши визуал эффектлар учун мукофот Жеймс Кемероннинг “Аватар-2: Сув йўли” илмий-фантастик блокбастерига топширилди.

• Кино
• Мукофот
• қизиқарли