“Музейдаги тун” ва “Тансоқчи” каби фильмлардаги унутилмас роллар билан томошабин ёдида қолган америкалик актёр Билл Коббс Калифорнияда вафот этди. Актёр яқинда 90 ёшни қаршилаган эди.

Билл Коббснинг оиласи ижтимоий тармоқларда унинг умри ўз уйида, тинчлик ва хотиржамликда якун топганини эълон қилди:
“Биз Билл абадий тинчлик оламига кетганини билганимиз учун ўзимизга тасалли оламиз. У биз учун энг севимли одам, тўнғич ака, амаки, ота, чўқинтирган ота ва дўст эди. Биз куни кеча Биллнинг 90 ёшини яқинларимиз қуршовида нишонлаган эдик”, - дейилади унинг оиласи томонидан берилган баёнотда.

Билл Коббс карерасини 1970 йилдан бошлаган. У “Тез ёрдам”, “Тансоқчи”, “Сопрано клани”, “Етар, бас!”, “Музейдаги тун” ва бошқа фильмларда иштирок этган. 2012 йилда актёр “Стартга тур!” сериалида Метю Перри билан бирга роль ижро этган.

• Кино
• голливуд