“Оскар” кино саноатининг энг иқтидорли мутахассисларини тақдирлашга қаратилган энг муҳим совриндир. Ғолиблар 24 та тоифада танлаб олинади, шулардан бири энг яхши костюм дизайни учун мукофотдир. Бу йўналиш учун биринчи “Оскар” 1949 йилда берилган. Шунингдек, “Оскар” тарихида саҳна костюмлари учун мукофотни қўлга киритган бир нечта дизайнерларни келтириб ўтамиз.

1.Раян Куглернинг “Қора пантера” фильми учун тикилган либослар

Либослар дизайнер Рут Картер томонидан яратилган бўлиб, у “Энг яхши костюм дизайни” йўналишида “Оскар”ни қўлга киритган биринчи афро-америкалик аёл бўлди. Мураккаб ва ноодатий костюмлар билан бир қаторда 3D босиб чиқариш технологиясидан фойдаланган ҳолда яратилган ёқа ва тож алоҳида эътирофга сазовор бўлган.

Костюмларнинг бичимида анъанавий Африка қабилаларининг бош кийимлари ва либосларидан илҳомланилган.

2. Питер Жексоннинг “Узуклар ҳукмдори: Қиролнинг қайтиши” фильми учун тикилган либослар

Нгила Диксон ва Ричард Тейлор томонидан яратилган ушбу кастюмлар жуда узоқ ва машаққатли изланишларнинг самараси бўлган. Уларнинг айтишича, дизайнерлар биргаликда 20 дан ортиқ мукофотларга номзод бўлишган.

3. Уэс Андерсоннинг “Гранд Будапешт меҳмонхонаси” филми учун тикилган либослар

Италиялик либослар дизайнери Милена Канонеро томонидан яратилган ушбу кастюмлар устида ишлашда Фенди ва Прада каби мода гигантлари билан ҳамкорлик қилинган. Ушбу костюмларни ажратиб турадиган элемент диққат билан танланган ранглар палитрасидир. Кўзни қамаштирувчи кийим ва ҳар бир қаҳрамоннинг характерини акс эттириш қобилияти Канонерога навбатдаги “Оскар”ни тақдим этди.

4. Тим Бертоннинг “Алиса мўъжизалар мамлакатида” филми учун тикилган либослар

Либослар дизайнер Коллин Атвуд томонидан яратилган бўлиб, бу ижодкор бир қанча бошқа муваффақиятли фильмларда ҳам ишлаган. Фимда кўзни қамаштирувчи костюмлар баробарида гримга ҳам алоҳида эътибор қаратилган. Кийимлар қаҳрамонларнинг “ғалатилигини” ифодалаш учун яратилган. “Оддий” бўлиб қолган ягона костюм Элиснинг кийими эди, чунки у “замонавий” қаҳрамон ҳисобланган.

5. Жеймс Кемероннинг “Титаник” фильми учун тикилган либослар

Ушбу фильмдаги либослар дизайнери Дебора Лин Скотт ўтган асрни тасвирлаш учун бор кучини сарфлаган. Дизайнер қаҳрамонларнинг характерини алоҳида ўрганиб, ўша даврга оид фильм ва китобларни кўздан кечириб чиқади. Фильмдаги учинчи тоифали йўловчилар эсингиздами? Бу тоифада ҳар хил миллат вакиллари қатнашгани учун уларнинг қадрият ва анъаналарини ўрганиб, либос тикиш зарурати туғилган. Балки шунинг учун ҳам кастюмлар “Оскар”га лойиқ кўрилгандир.

• қизиқарли