Pixar компанияси креатив директори ва “Бошқотирма” анимацион фильмининг муаллифи Пит Доктер Entertainment Weekly нашрига берган интервьюсида мазкур франшиза асосида анимацион сериал суратга олинаётганини маълум қилди.

Доктернинг сўзларига кўра, лойиҳа устидаги ишлар деярли ниҳоясига етган ва мультсериал 2025 йилнинг баҳорида Disney+ да намойиш этилади.

Янги сериал “Dream Production”, яъни “Тушлар студияси” деб номланган. Сериалда Райли Андерсоннинг миясида унинг орзуларини рўёбга чиқарадиган киностудия ҳақида ҳикоя қилинади.

“Биз тушларнинг онгимиздаги ўрни ва улар уйғонганимизда бизга қандай таъсир қилишини ўрганишни давом этдик. Ушбу лойиҳа муваффақиятли бўлишига ишонамиз”, - деди Пит Доктер.

Эслатайиб ўтамиз, “Бошқотирма-2” премьераси АҚШда 13 июнь куни бўлиб ўтди. Мутахассисларнинг фикрича, фильминг иккинчи қисми бир қатор касса кўрсаткичлари бўйича “Дюна-2” ва “Барби”ни ортда қолдирди. “Бошқотирма-2” жаҳон кинопрокатида 133 миллион доллардан ортиқ даромад келтирди.

• Мултфильм
• Premyera