Ғазо секторидаги очлик ва юқумли касалликлар асосан болаларга таъсир қилаётгани айтилмоқда.

Ғазонинг блокировка қилинган секторида озиқ-овқат танқислиги сабабли муддати ўтган консерваларни истеъмол қилган фаластинликлар орасида заҳарланиш ҳолатлари қайд этилган. “Ғазо секторидаги одамлар муддати ўтган консерва маҳсулотларини истеъмол қиладилар, бу эса кўпчиликнинг заҳарланишига олиб келади”, – деган Ғазодаги Фаластин ҳукумати.

“Таъкидланишича, Ғазо секторида болалар очлик ва юқумли касалликлардан азият чекмоқда. Исроил мунтазам равишда очликка қарши сиёсат олиб боради ва Ғазо аҳолисини даволашга тўсқинлик қилади”, – дея таъкидлаган ҳукумат.

“Исроил армияси Ғазо секторида қудуқларни қайта очишга уринаётган маҳаллий ҳокимият ходимларига тўғридан-тўғри ҳужум қилмоқда”, – дея қўшимча қилган ҳукумат.

2023 йил 7 октябрдан бошлаб Ғазонинг блокировка қилинган секторида Исроил тажовузи қурбонлари сони 37 598 нафарга етган, шу жумладан, камида 15 694 нафар бола ва 10 279 нафар аёл, 86 мингдан ортиқ киши яраланган. Вайроналар остида ҳали ҳам минглаб ҳалок бўлганларнинг жасадлари бор, дейилади хабарда.

• Фаластин
• Isroil
• Касаллик