Германия томонидан Украинага берилган қуролларнинг бир қисми эскирган ёки ишламай қолган. Бу ҳақда Германия Ташқи ишлар вазири Анналена Барбок CNN телеканалига берган интервьюсида маълум қилди.

"Агар сиз фақат ваъда қилсангиз ва бажармасангиз ва ҳатто ишламай қолган нарсани етказиб берсангиз, бунинг фойдаси йўқ",– деди у.

Шунингдек, унинг таъкидлашича Германия Украинага бераётган қуроллари ишламаслигини олдиндан билган.

"Бизнинг баъзи тизимларимиз аллақачон эскирган, баъзилари ҳақида биз бошиданоқ улар ишламаётганини билардик ва биз бу ҳақда гаплашдик",– дея қўшимча қилди Бурбок.

ТИВ раҳбарининг айтишича, қуролларнинг ишлаётганига ишонч ҳосил қилиш зарурати Берлин ҳалигача “Таурус” тактик ракеталарини Киевга ўтказмаганининг сабабларидан биридир.

"Торосни қачон топширишимизни айта олмайман. Улар шу қадар мураккабки, биз барча тафсилотларни аниқлаб олишимиз керак - улар қандай ишлайди, ким уларни бошқаради. Украинада вақт камлигини тушунаман, лекин биз Киевга қурол топширсак у ишлаши керак, - деди у.

• Германия
• Қурол
• Украина