Ўзбекистоннинг Берлиндаги элчихонасида “Ўзбекисонлик” халқаро форуми ва хориждаги кўзга кўринган ўзбеклар ҳақида ҳикоя қилувчи шу номдаги фильмнинг иккинчи қисми премераси бўлиб ўтди.
Маълумотларга кўра, форумда икки юздан ортиқ муваффақиятга эришган ўзбекистонликлар, шунингдек, ишбилармонлар, ижодий соҳа вакиллари ҳамда европалик дипломатлар ва экспертлар қатнашган.
Форум Туризм ва маданий мерос вазирлиги томонидан Экология ва атроф-муҳитни муҳофаза қилиш давлат қўмитаси, Orient Group, Ўзбекистон Ёшлар масалалари агентлиги ҳамда “Ўзбекистон ҳаво йўллари” миллий авиакомпанияси ҳамкорлигида ташкил этилди.
Тадбир хорижий мамлакатларда истиқомат қилаётган ва турли соҳаларда муваффақиятларга эришаётган ўзбекистонликларни бирлаштириш, улар билан Ўзбекистон ўртасида ҳамкорлик кўприги яратиш, жумладан, мамлакатнинг интеллектуал ва иқтисодий салоҳиятини мустаҳкамлаш бўйича қўшма лойиҳаларни амалга ошириш мақсадида ташкил этилди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!