Президент Шавкат Мирзиёев раислигида Бухоро вилоятини ижтимоий-иқтисодий ривожлантириш масалалари юзасидан видеоселектор йиғилиши бўлиб ўтди.

Унда ижтимоий соҳа билан боғлиқ масалалар муҳокама қилинар экан, Ғиждувон аҳолиси учун 650 ўринли замонавий шифохона қурилиши эълон қилинди.

“Мутасаддиларга лойиҳа ҳужжатларини ишлаб чиқиб, келгуси йил инвестиция дастурига киритиш топширилди.

Умуман, йиғилишда Ғиждувоннинг ўзида 25 минг иш ўрни, қўшимча 50 миллион доллар экспорт ва бюджетга 100 миллиард сўмлик тушум бўйича имкониятлар кўрсатиб ўтилди.

Йиғилишда муҳокама қилинган масалалар юзасидан вилоят ва тармоқ раҳбарларининг ахбороти тингланди.

Шунингдек, Ғиждувонда бу йил 3 мингга яқин ёшлар мактабни битирмоқда ва 800 нафари олийгоҳга кирмасдан, касбга ўқиш истагини билдирган.

Вилоятдаги энг йирик тўқимачилик корхоналаридан бири – “Парвоз ҳумо” корхонаси матони бўяш ва тайёр кийим-кечак сехларини ишга туширмоқда.

Тадбиркор 10-11-синф ва коллеж ўқувчиларига дарсдан сўнг касб ўргатиб, 2 миллион сўмгача ойлик тўлаш, бепул тушлик ва текин автобус билан таъминлаш таклифини билдирган.

Бундан ташқари, тадбиркор тумандаги 2-сон касб-ҳунар коллежига корхона сехларидан “амалий мономарказ” сифатида фойдаланишга, Бухоро муҳандислик-технология институти кафедрасини корхона ҳудудида жойлаштириб, ҳам ўқитувчиларга, ҳам талабаларга шароит қилиб беришга тайёр.

Давлатимиз раҳбари тадбиркорнинг барча ташаббусларини қўллаб-қувватлади ва мутасаддиларга тегишли топшириқлар берди”, – дейилади хабарда.

• Бухоро
• Шавкат Мирзиёев
• Sherzod Asadov
• Видеоселектор
• shifoxona