Америкалик актёр Николас Кейж ўзи иштирокидаги ТОП-5 фильмни санаб ўтди. У мазкур фильмларни севиб томоша қилиши ҳақида таъкидлаган.  

Рейтингнинг энг юқори ўрнини 2021 йилда суратга олинган “Pig” фильми банд этган. Иккинчи ўриндан 2017 йилда суратга олинган “Мэнди” фильми, учинчи ўриндан эса 1999 йилда тақдим этилган “Ўликларни тирилтирувчи” фильми жой эгаллаган.

2009 йили суратга олинган “Ёмон лейтенант” фильми тўртинчи ўрин, 2013 йилда ишланган “Жо” картинаси эса бешинчи ўринни банд этган.

Кейж шунингдек, “Юзсиз” фильми ҳам жиддий лойиҳа эканлигини айтиб ўтган.

Маълумот учун, Николас Кейж ўзининг ижодий фаолиятини 1981 йилда бошлаган. Актёр ўтган вақт мобайнида юздан ортиқ фильмлар, клип, сериал ва бошқа лойиҳаларда суратга тушган. 1996 йилда “Лас-Вегасни тарк этиб” фильмидаги роли учун “Оскар” мукофотини қўлга киритган.

• Кино
• Маданият
• машҳурлар