“Манчестер Сити” Англия Премер-лигасининг 27-турида “Тоттенҳем”га қарши ўйнади. Учрашувда Гвардиола шогирдлари 1:0 ҳисобида ғалаба қозонди. Баҳсда жамоанинг ўзбекистонлик ҳимоячиси Абдуқодир Ҳусанов тўлиқ ҳаракат қилди. Учрашувдан кейинги матбуот анжуманида “шаҳарликлар” устози Пеп Гвардиола у ҳақида илиқ фикрлар билдириб ўтди:

“Ҳусанов аллақачон кийиниш хонасида ёқимтойга айланган. У Лондонга ҳеч қандай ортиқча буюмларсиз, ҳатто тиш чўткаси олмасдан шунчаки футбол ўйнаш учун келди.

У билан гаплашсангиз, фақат кулиб туради. Бироқ у жуда ишончли футболчи.

У жуда тез, жудаям, жудаям тезкор. Тўп билан муомала ва узатмаларининг сифати ғайриоддий даражада. У ҳали энди 20 ёшда. Вақт ўтган сари яхшиланиб бораверади.

Ундаги тезликни шу пайтгача кўрмаганман. Тезкор футболчиларни кўп кўрганман, лекин у энг яхшиларидан бири.

Уни ҳамма яхши кўради. У камгап, меҳнаткаш, умуман нолимайди. У жамоа мухлисларига ёқиб қолиши аниқ. “Челси”га қарши ўйиннинг дастлабки 5 дақиқасида бўлган воқеадан сўнг ўзини ўнглаш осон эмас эди, аммо у ўзини йўқотмади ҳамда вазиятни яхшилади. Сўнгги ўйинларда жуда яхши натижа кўрсатмоқда”, – деган испаниялик мутахассис.

• Abduqodir Husanov
• Фикр
• Гвардиола
• Manchester Siti