Мадриднинг “Реал” клубининг Жуд Беллингем ҳамда Энсо Фернандес трансферларига қизиқиш билдириши Лука Модричнинг ўрнига таъсир қилмайди. Диаро Ас маълумотларига кўра, хорватиялик футболчи Мадридда ўзгартириб бўлмас футболчи бўлиб қолади.

Мавсум охирида шартномаси якунланадиган бўлишига қарамай, футболчи клубда қанча истаса шунча қолиши мумкин. Янги шартнома узайтириш фақатгина вақт масаласидир.

“Реал” Дортмунднинг “Боруссия” клубидан 19 ёшли Беллингемни трансфер қилишни жуда истамоқда. Германия клуби бунинг учун 100 миллиондан ортиқ маблағ талаб қилмоқда. Шунингдек, Лиссабоннинг “Бенфика”сидан Энцо Фернандесга ҳам қизиқиш билдирмоқда. Ярим ҳимоячи эвазига, талабларга кўра, “қироллик клуби” 120 миллион евро ўтказиб бериши керак бўлади.

• Анчелотти
• Боруссия
• Лука Модрич
• Real