“Ҳизбуллоҳ” Исроил бўйлаб 100 дан ортиқ ракета учирди. Бу ҳақда Исроил армияси хабар берди.

Унга кўра, “Ҳизбуллоҳ” Ливандан Исроилнинг шимолига қарата ўнлаб ракеталар билан тунда ҳужум уюштирган. Шунингдек, туни билан ҳаво ҳужумидан огоҳлантирувчи сиреналар чалинган.

Қайд этилишича, “Ҳизбуллоҳ” томонидан 105 та ракета учирилган, шулардан айримлари тутиб қолинган.

Эслатиб ўтамиз, 20 сентябрь куни Исроил мудофаа кучлари Ливандаги “Ҳизбуллоҳ” ҳаракатининг таянчи ҳисобланган Байрутнинг Даҳия маҳалласига ҳаво ҳужуми уюштирган.

Ҳужум оқибатда гуруҳнинг асосий етакчиларидан бири Иброҳим Оқил ва яна 10 га яқин юқори мартабали қўмондонлар ҳалок бўлганди.

• Isroil
• Жаҳон