Бугун, 17 май куни, футбол оламининг эътибори Лондоннинг машҳур “Wembley” стадионига қаратилган. Сабаби, айнан ушбу ўйингоҳда Англия кубоги финали бўлиб ўтади. Чемпионлик учун “Ман Сити” ва “Кристал Пелас” кураш олиб боради.

“Шаҳарликлар” учун бу финал алоҳида аҳамиятга эга. Сўнгги йиллардаги ёрқин ютуқларга қарамай, жорий мавсумда Пеп Гвардиола шогирдлари АПЛда етакчиликни бой бериб қўйди, ЕЧЛда эса юришини эрта тугатди. Бу финал — мавсумни совринсиз якунламаслик учун сўнгги имкон. Гвардиола уни “мавсум тақдири ҳал бўладиган лаҳза” деб атади.

Бу мусобақа финалига учинчи бор чиққан “Кристал Пелас”да ҳам Англия кубогини ютиш учун катта мотивация мавжуд. Чунки, жамоа 1990 ва 2016 йиллардаги финалда мағлубиятга учраган. Бу сафар мураббий Оливер Гласнер бошчилигида жамоа тарих ёзишга ҳаракат қилади.

Статистик маълумотларга қараганда, жамоалар умумий 29 учрашув ўтказишган ва шундан “Ман Сити” 21 бора ғалаба қозонган бўлса, “Кристал Пелас”да ғалабалар сони 3 та яна 5 баҳсда томонлар муроса кўчасини танлашган.

Учрашув Тошкент вақти билан соат 20:30 да старт олади.

Маълумот учун, “Манчестер Сити” ўтган мавсум Англия кубоги финалида ҳамшаҳарлари “Ман Юнайтед”га имкониятни бой бериб қўйган эди.

• Angliya
• Футбол
• Manchester Siti