11 июнь куни Мехико шаҳрида футбол бўйича 2026 йилги Жаҳон чемпионатига расман старт берилди. Турнирнинг очилиш учрашувида мезбонлардан бири бўлган Мексика Жанубий Африка Республикаси терма жамоасини 2:0 ҳисобида мағлуб этди.

Учрашувда ҳисобни 9-дақиқада Хулиан Кинонес очди ва шу тариқа мундиалнинг илк голига муаллифлик қилди. Иккинчи бўлимда эса Рауль Хименес боши билан киритган голи орқали жамоасининг ғалабасини мустаҳкамлади.

Мазкур натижа Мексика учун тарихий аҳамият касб этди. Жамоа ўз тарихида илк бор Жаҳон чемпионатини ғалаба билан бошлади. Бунгача мексикаликлар мундиалдаги дастлабки етти иштироки давомида биринчи турда ғалаба қозона олмаган эди.

Очилиш баҳси яна бир рекорд билан ёдда қолди. Ҳакам учрашув давомида учта қизил карточка кўрсатди. Жаҳон чемпионатлари тарихида очилиш ўйинида аввал ҳеч қачон бунча кўп футболчи майдондан четлатилмаган.

ЖЧ–2026. А гуруҳи, 1-тур
Мексика – Жанубий Африка Республикаси 2:0
Голлар: Хулиан Кинонес (9), Рауль Хименес (67).
Қизил карточкалар: Сесар Монтес (Мексика, 90+2), Ситоле (49) ва Зване (84) — Жанубий Африка Республикаси.