Аргентиналик футбол юлдузи Lionel Messiнинг бойлиги 1 миллиард долларга етди. Бу ҳақда Bloomberg хабар берди.

Маълумотларга кўра, Месси 2007 йилдан буён маош ва бонусларнинг ўзидан 700 миллион доллардан ортиқ даромад топган. Унинг миллиардер мақомига эришишида реклама шартномалари, телелойиҳалар ва инвестициялар муҳим рол ўйнаган.

Шу тариқа, Месси Cristiano Ronaldoдан кейин миллиардерга айланган иккинчи футболчи бўлди.

Ҳозирда Месси Inter Miami CF сафида тўп сурмоқда. Футболчининг клубдаги базавий маоши йилига 25 миллион долларни, умумий кафолатланган даромади эса 28,3 миллион долларни ташкил этади.

Шунингдек, унинг шартномасида клуб акцияларига эгалик қилиш ҳамда Apple ва Adidas билан ҳамкорликдан тушадиган фойдадан улуш олиш ҳам белгиланган. Мессининг йиллик даромади тахминан 130 миллион долларга баҳоланмоқда.

Айни пайтда Cristiano Ronaldo дунёнинг энг кўп даромад топаётган спортчиси бўлиб қолмоқда. Forbes маълумотига кўра, у бир йил ичида 300 миллион доллар ишлаб топган.