Сўнгги хабарларга кўра, Мадриднинг “Реал” клуби “Ланс” ҳимоячиси Абдуқодир Ҳусановни кузатмоқда.

Fichajes нашрининг ёзишича, “қироллик клуби” ҳимоя чизиғини, хусусан марказий ҳимояни кучайтирмоқчи. Шу боис клуб скаутлари Ўзбекистон МТЖ аъзосига қизиқиш билдирган.

Defensa Central нашрининг маълум қилишича, “Реал” Жуни Калафатга 20 ёшли Абдуқодир Ҳусановни кузатиш вазифасини берган.

Калафат Винисиус, Валверде, Родриго, Камавинга ва Арда Гулер сингари футболчиларни топган ва клубга олиб келишда асосий вазифани бажарган инсон ҳисобланади.

Ҳусанов “қаймоқранглилар”нинг трансфер сиёсатига тўлиқ мос келади. Ёш, катта потенциалга эга ва катта ғалабаларга чанқоқ, умумий айтганда жангчи.

Аввалроқ, ишончли инсайдер Фабрисио Романо Ҳусановга “Манчестер Сити” жиддий қизиқиш билдираётганлиги ҳақида ёзган эди.

• Футбол
• Real
• Трансферлар