Америкалик тадбиркор, “Tesla” ва “SpaceX” компаниялари асосчиси Илон Маск “Starship” космик кемасининг биринчи синов парвози муваффақиятли ўтишидан умид қилмаслигини айтди. Миллиардер бу ҳақида ўзининг “Twitter”даги расмий саҳифасида ёзиб қолдирган.

Космик кема парвози бугун, 17 апрель санасига режалаштирилган. “SpaceX” компанияси маҳаллий вақт билан 07:00-08:00 да кемани “Super Heavy” ракета ташувчиси ёрдамида орбитага чиқариши кутилмоқда. Бироқ Илон Маск кема парвози маълум муддатга қолдирилиши мумкинлигини ҳам айтиб ўтган.

Маск илк парвоз муваффақиятли ўтишига умид қилмаслиги, ракета двигателлари – конструкциянинг энг нозик қисми эканлигини таъкидлаган. Интернет фойдаланувчилари Маскнинг сўзларидан миллиардер ракетанинг парвоз майдончасида портлаб кетишини истамаслиги, агар шундай ҳолат ҳақиқатдан содир бўлса, кейинги уринишга тайёргарлик кўриш учун бир неча ой вақт керак бўлишини тушуниб олишган.

• Raketa
• SpaceX
• ilon
• миллиардерлар