Nature Cardiovascular Research халқаро журналида инсон танасидаги GPNMB оқсили инфарктдан кейин юрак тўқимаси тикланиши муҳим аҳамиятга эга эканлиги ҳақидаги тадқиқот натижалари эълон қилинди.

Юрак хуружини ўтказган беморларда кўпинча касалликдан сўнг зарарланган мушаклар ўрни чандиқ билан қопланади. Бу эса юракнинг организмга қон ҳайдаш қобилиятини заифлаштиради ва юрак етишмовчилигини юзага келтиради.

Олимлар тажрибани жониворларда ўтказишди. Бу жараёнда суякнинг кўмик қисмининг иммун ҳужайралари GPR39 молекуласи билан биргаликда юрак фаолиятини тиклашга ёрдам берувчи GPNMB оқсили ишлаб чиқариши аён бўлди.

Синовда қуйидаги таҳлиллар маълум қилинди: инфарктдан кейин бир ой ўтгач, GPNMB оқсилидан маҳрум бўлган ҳайвонларнинг 67 фоизида юрак соҳасида кучли чандиқлар кузатилди.Оқсил даражаси меъёрида бўлган жониворларда эса бу кўрсаткич атиги 8 фоизни ташкил этди.

Тадқиқотчилар хулосасига кўра, ушбу янгиликдан юрак хуружи асоратларини бартараф этувчи янада самарали дори воситаларини яратишда фойдаланиш мумкин.

• Jurnal
• Lifestyle
• Янгилик
• ихтиро
• тадқиқот