Пекин микробиология ва эпидимиология институти олимлари томонидан каналар орқали тарқаладиган ҳамда асаб тизмини зарарлайдиган янги вирус аниқланди.

Янги вирус WELV ёки патоген сув-ботқоқ вируси деб номланган. Бу вирус дастлаб Хитой шимолидаги 61 ёшли эркакда аниқланган. Эркакни Ички Мўғулистон паркида кана чаққан бўлган. Антибиотиклар фойда бермагани ва инфекцияни бактериялар юзага чиқармаганини маълум қилишган.

Аввал WELV вируси уй ҳайвонлари ва одамларда кузатилмаган. Тадқиқотчилар 14,6 мингга яқин канани йиғиб, уларни турига ва жойлашувига кўра гуруҳларга ажратиб таҳлил қилишган. Ушбу гуруҳларнинг деярли 2 фоизи WELV генетик материалига ижобий натижа берган.

Касаллик белгилари

Бу вирус билан касалланган беморларда бош айланиши, иситма, ҳолсизлик, бош оғриғи, кўнгил айниши, ич кетиши каби умумий аломатлар кузатилган. Лаборатория таҳлил натижаларига кўра кўплаб беморларда тўқималарнинг зарарланиши ҳамда қон ивишидаги белгилар бор.

Ҳаттоки, ушбу вирусга чалинган бир бемор ҳушидан кетган ва комага тушиб қолган. Беморнинг мия ва орқа мияни ўраб турувчи суюқлигида лейкоцитлар миқдори юқори бўлган.

Қувонарлиси, олимлар WELV билан оғриган барча беморлар бир-икки ҳафта ичида соғайиб кетганини айтишган. Аммо, тажриба сичқонларида ўтказилган тажрибалар шуни кўрсатганки, вирус мия ва бошқа аъзоларни зарарлаб, ўлимга олиб келиши мумкин.

• Lifestyle
• Тиббиёт
• саломатлик