Кечагина кечқурун бутун дунёда Instagram, YouTube, Facebook тармоқлари ишламай қолган бир вақтда қанчадан-қанча блогер, санъаткор ва онлайн бизнес эгалари ваҳимага тушиб қолишгани рост. Дунёда нотинчлик бўлиб турган бир ватқда бутун бизнесни шу тармоқлар устига қуриш ва ижтимоий тармоқларга ҳаётимизни қаттиқ боғлаб қўйиш қанчалик хавфсиз деган хулосага келишимиз ҳам керакдир?

Хитой манбаларининг хабар беришича, кечаги узилишларга ҳусийлар Қизил денгиздаги тўртта кабелни узишгани сабаб бўлган дейилмоқда. Бу Африка, Осиё ва Европа ўртасидаги алоқага таъсир қилган. Ушбу узилган кабеллар йирик телеком компанияларига тегишли. Компаниялар зарарланмаган кабеллар орқали трафикни улашга ваъда беришган. Бир сўз билан айтганда YouTube, Instagram ва бошқа кўплаб сайтлар бутун дунёда ишлаш учун кураш олиб бормоқда дейилади манбада.

Шу билан бирга, Павел Дуров глобал узилишлар фонида Телеграм узилмай фаолият юритгани билан мақтанди.
“Инстаграм ва Фасебоок ишламай қолганда, сўнгги бир соат ичида миллионлаб одамлар Телеграмда рўйхатдан ўтишган ва контент алмашишган. Телеграм бу хизматларга қараганда ишончлироқ. 2023 йил давомида Телеграмнинг 525 600 дақиқасидан атиги 9 дақиқаси ишламай қолган”, — деди тармоқ асосчиси.

• Facebook
• Instagram