Исроил қўшини томонидан Ғазо секторининг турли ҳудудларида уюштирилган ҳужумларда 13 нафар фаластинлик ҳалок бўлди, аксарияти болалар ва аёллар ўнлаб инсонлар яраланди. Бу ҳақда “Анадулу” хабар берди.

Қайд этилишича, Фаластиннинг “WАФА” расмий ахборот агентлиги хабарига кўра, Исроил ҳарбий самолётларининг Ғазо сектори жанубидаги Хон Юнус шаҳридаги уйни бомбалаши оқибатида 12 киши ҳалок бўлган ва кўплар яраланган.

Ҳужум ортидан қулаган бинода маҳаллий аҳоли ва фуқаролик мудофаа гуруҳлари қидирув-қутқарув ишларини давом эттирмоқда. Исроил армиясининг Ғазо сектори шимолидаги Жебалия қочқинлар лагерида жойлашган “Саад бин Аби Ваққас” масжидини ўққа тутиши натижасида бир аёл ҳалок бўлган, ўнлаб инсонлар, асосан болалар ва аёллар яраланган.

Исроил жанговар самолётлари ҳам Ғазонинг турли қисмларида бир неча нуқтага зарба бериб, ўлим ва жароҳатларга сабаб бўлди. Исроилнинг Ғазо секторига қилган ҳужумларида 7 октябрдан бери 32 552 фаластинлик, жумладан, камида 14 280 бола ва 9 340 аёл ҳалок бўлган яна 74 980 нафари яраланган.

• Фаластин
• Samolyot
• hujum