Исроил бош вазири Нетаняхунинг баёнотига кўра, ХАМАС олдиндан келишилгани каби исроиллик асирлар рўйхатини тақдим этмаган. Келишув бўйича исроиллик асирлар рўйхати тақдим этилгач, маҳаллий вақт билан 8:30 да Ғазо секторида ўт очишни тўхтатиш бўйича сулҳ кучга кириши керак эди.

САХАЛ рўйхат қабул қилинмагунча Ғазога зарбаларни давом эттиришини маълум қилган.

“ХАМАС озод қилинадиган асирлар рўйхатининг кечикишини “техник қийинчиликлар” билан изоҳлади ва бу бир неча соат ичида ҳал бўлишини маълум қилди”, – деб хабар бермоқда A телеканали. Ғазо фуқаролик мудофааси маълум қилишича, медиаторларнинг вақт жадвалига кўра, сулҳ кучга кирганидан бери 8 фаластинлик ҳалок бўлиб, 25 дан ортиқ киши жароҳат олган.

Қатар, Миср ва АҚШ воситачилигида тузилган сулҳ маҳаллий вақт билан эрталаб 8:30 да бошланиши керак эди.

• Фаластин
• G‘azo
• Isroil
• hujum