“Шуни қувонч ва ифтихор билан айтмоқчиманки, Оксфорд университетининг ”Осиё ва Яқин Шарқ тадқиқотлари” факультетида эндиликда ўзбек ва эски ўзбек тиллари ўрганилади”, – дея хабар берди Ўзбекистон республикаси Президенти администрацияси раҳбари Саида Мирзиёева.

“Университетдан Президентимиз раҳбарлигида Ўзбекистонда хотин-қизлар ҳуқуқларини ҳимоя қилиш ва имкониятларини кенгайтириш борасида эришилган ютуқларнинг эътирофи сифатида мукофот қабул қилганимдан хурсандман”, – деб қўшимча қилади у .

Шунингдек, Саида Мирзиёева ўз Telegram саҳифасида, Мирзо Улуғбекнинг “Зижи Кўрагоний”, Алишер Навоийнинг “Хамса”, Ҳусайн Бойқаронинг “Девони Ҳусайний”, Бобурийлар даврига оид миниатюралар ва бошқа кўплаб нодир китоблар сақланаётган Бодлиан кутубхонаси билан танишувдан илиқ таассуротлар олганлигини айтиб ўтди.

• Саида Мирзиёева