Қозоғистонда ғайриоддий ҳодиса юз берди: Чимкент шаҳрида яшовчи 38 ёшли эркак дўсти билан гаров ўйнаб, 26 та ручкани ютиб юборган. У бу ишни ўзининг ҳатто еб бўлмайдиган нарсаларни ҳам ютиб юбора олишини исботлаш мақсадида қилган.

Аммо кўп ўтмай эркакнинг қорнида кучли оғриқ пайдо бўлган ва у шифокорларга мурожаат этган. Текширув жараёнида унинг ошқозонида бир нечта металл ва ручкалар борлиги аниқланган. Шифокорлар бу ҳолатда зудлик билан эндоскопия йўли билан ҳаракат қилишган — яъни бемор қорин қисми кесилмаган ҳолда, фақат ички асбоб ёрдамида 26 та ручкани чиқариб олишган.

Жараён қарийб икки соат давом этган, бемор эса ҳозирда шифокорлар назоратида.

• Қозоғистон
• Шифокор