Украина президенти офиси маслаҳатчиси Михаил Подолякнинг айтишича, Россия Украинага қарши урушни фақат Хитойнинг сиёсий ва иқтисодий ёрдами туфайли давом эттиряпти. Унинг сўзларига кўра, Пекин Москвадан ўз таъсирини кучайтириш воситаси сифатида фойдаланмоқда, бу эса глобал беқарорликни янада чуқурлаштирмоқда.

Подоляк Хитойга нисбатан қатъий сиёсат юритиш ва зарурат туғилса, чекловчи санкциялар жорий этиш зарурлигини таъкидлади.

Washington Post маълумотига кўра, Хитой ёз ойларида Россияга дрон ишлаб чиқариш учун зарур компонентлар, жумладан оптик толали кабеллар ва литий-ион батареялар экспортини кескин оширган. Июль–август ойларида кабель етказиб бериш ҳажми қарийб 10 баравар, батареялар экспорти эса 50 миллион доллардан ошган. Пекин эса урушда бетарафлигини билдиришда давом этмоқда.

• Путин
• Россия
• Санкция
• Sergey Lavrov
• Украина
• Уруш
• Хитой
• Зеленский