Ўзбекистон паспорти визасиз кириш мумкин бўлган мамлакатлар сонига асосланган рейтингда 82-ўринни эгаллади. Бу ҳақда “Henley & Partners” компанияси томонидан эълон қилинган янгиланган индексда келтирилган.

Марказий Осиё мамлакатларидан рейтингда энг юқори ўринни Қозоғистон эгаллаган – 67-ўрин. Ушбу мамлакат фуқаролари 78 та давлатга бориши учун виза талаб этилмайди. Шу тариқа улар қўшни давлатларни ортда қолдирган:

Қирғизистон 81-ўринда (62 та давлат);

Ўзбекистон 82-ўринда (61 та давлат);

Тожикистон 87-ўринда (55 та давлат);

Туркманистон 93-ўринда (48 та давлат).

Сингапур ҳали ҳам етакчики қилмоқда. АҚШ эса илк бор кучли ўнликни тарк этиб, 12-ўринга тушган. Россия паспорти ҳам позициясини йўқотиб, 46-ўриндан 50-ўринга тушган ва Венесуэла ҳамда Молдовадан кейинги поғонада жойлашган.

Янги рейтингда ТОП-3 ни Осиё давлатлари эгаллаган:

Сингапур – 1-ўрин (фуқаролар 227 мамлакатдан 193 тасига визасиз кира олади);

Жанубий Корея – 2-ўрин (190 мамлакат);

Япония – 3-ўрин (189 мамлакат).

“Henley & Partners”га кўра, “Ҳенлей Passport Index” ташкил этилганидан буён АҚШ илк бор дунёнинг энг кучли ўнта паспорти рўйхатидан чиқиб кетган.

• Ўзбекистон
• passport
• рейтинг