КХДР раҳбари Ким Чен Ин пайшанба куни дрон синовларини кузатган.

У уларнинг хусусиятларидан мамнунлигини билдирган ва имкон қадар тезроқ оммавий ишлаб чиқаришни бошлашни буюрган. “Уларни ишлаб чиқариш учун кичик харажатлар ва мураккаб бўлмаган ишлаб чиқариш жараёни уларни янги маконда зарба кучларининг бир қисми сифатида ишлатишни осонлаштиради. Эҳтимол, дунёдаги барча ҳарбий идоралар дронлар катта ва кичик можароларда аниқ ютуқларга эришаётганини тан олишади”, – деган Ким Чен Ин. “Дронлардан фойдаланиш “ҳарбий соҳада зарур талаб”га айланди” – дея қўшимча қилган у.

Шу билан бирга, КХДР раҳбари унинг мамлакати учувчисиз транспорт воситаларини ишлаб чиқариш ва жорий этиш имкониятига эга эканлигини таъкидлаган. Ким Чен Иннинг қўшимча қилишича, сўнгги пайтларда Корея меҳнат партияси учувчисиз қурол тизимларининг операцион режалар билан мукаммал уйғунлигига катта аҳамият бермоқда.

• КХДР
• Kim Chen In
• дрон