Ўзбекистон Олимпия терма жамоаси тарихда илк бор Олимпиадада иштирок этади. Тимур Кападзе бошчилигидаги Олимпия терма жамоасининг якуний 18 кишилик таркиби эълон қилинди.

Шунингдек, 4 футболчи 18 кишилик таркибдан кимдир жароҳат олса, ўрнига таркибга қўшилиши мумкин.

Таркибдаги биринчи рақамдан 18-рақамгача бўлган футболчилар “заявка”даги футболчилар сирасига киради. 19–22-рақамдаги футболчилар эса ФИФА томонидан рухсат берилган фавқулодда ҳолатлардагина жамоага ёрдам бериши мумкин.

Маълумот учун, Париж–2024 Олимпиадасида Ўзбекистон U-23 жамоаси Олимпиадада C гуруҳидан жой олди. Ўзбекистон U-23 термаси гуруҳда Испания, Доминикан Республикаси ва Миср каби терма жамоалар билан баҳс олиб боради.

Эслатиб ўтамиз, Ўзбекистон Олимпия терма жамоасининг Испания билан ўйини 24 июль куни бўлиб ўтади.