Зулфиқор Мусоқов асл исми – Жамол Мусоқов. 1958 йил, 19 январда Тошкент вилоятининг Олмалиқ шаҳарчасида таваллуд топган.

Зулфиқор Мусоқов таниқли кинорежиссёр ва сценарист, ўз режиссёрлик фаолиятини 1989 йилдан бошлаган. Зулфиқор Мусоқов ўзининг “Абдуллажон”, “Бомба”, “Яратганга шукур”, “Кичкина табиб”, “Ойижон”, “Осмондаги болалар — 1-2-3”, “Ватан”, “Қўрғошин”, “Қовун”, “Хазонрезги”, “Новда”, “Дадам бетоб” каби фильмлари ва “Аёл зоти” телесериали билан мухлислар қалбидан чуқур жой олган.

Ижодкор фильмлари халқчиллиги билан ажралиб туради. Режиссёрнинг “Ватан” фильми 2007 йилда Малайзияда ўтказилган 50-Халқаро кинофестивалда “Осиёнинг энг яхши фильми” номинациясига даъвогарлик қилган.

2011 йилда режиссёр суратга олган “Қўрғошин” бадиий фильми Россияда бўлиб ўтган “Киношок” Халқаро кинофестивалида қатнашиб, “Энг яхши сценарий’ номинацияси совриндори бўлган.

Зулфиқор Мусоқов 2003 йилда “Меҳнат шуҳрати” ордени, 2006 йилда “Ўзбекистонда хизмат кўрсатган санъат арбоби” унвонига сазовор бўлган.

• фестиваль
• Кино