Футбол бўйича Франция Кубогининг 1/32 финал баҳсида Ўзбекистон МТЖ аъзоси Абдуқодир Ҳусанов тўп сурадиган “Ланс” клуби “ПСЖ” билан учрашди.

Ўйиннинг 66-дақиқасида бурчак зарбасидан сўнг Ҳусанов дарвозага зарба йўллади. Тўп жамоадоши Нзолага тегиб Сафонов қўриқлаётган дарвозага йўл олди. Баҳснинг 70-дақиқада португалиялик Гонсалу Рамуш ҳисобни тенглаштирди.

Учрашувнинг асосий вақти дуранг билан якунлангач, ғолиб пенальтилар сериясида аниқланадиган бўлди. Пенальтилар сериясидан олдин Ҳусанов жароҳати сабаб захирага олинган эди. Серияда “ПСЖ” посбони иккита сейф ижро этган ҳолда жамоасининг нимчорак финалга йўл олишини таъминлади.

Sofascore нашри ушбу учрашувда асосий таркибда майдонга тушган Абдуқодир Ҳусановнинг ўйинини 7 баллга баҳолади.

Франция Кубоги.

1/32 финал

22 декабрь, якшанба

“Ланс” — “ПСЖ” 1:1

Пенальтилар серияси — 3:4.

• Fransiya
• Футбол