Американинг “Lucid Motors” стартапи премиум электромобиллар ишлаб чиқариш бўйича йиллик ишлаб чиқариш режасини ўзгартирди. Компания йил охиригача жаҳон бозорига 6000 дан 7000 тагача электромобиль чиқармоқчи. Аввалроқ “Lucid Motors” 20 000 та электромобиль ишлаб чиқаришга ваъда берган эди.

Секин автомобил ишлаб чиқариш таъминот занжири муаммолари, шунингдек эҳтиёт қисмлар ва хомашё етишмаслиги билан боғлиқ, деди компания расмийлари. Инвесторлар учрашувида “Lucid Motors” бош директори Питер Ролинсон стартап ишлаб чиқаришни кўпайтириш учун бир қатор таркибий ўзгаришларни режалаштираётганини айтди.

Май ойида компания 2022 йилда ишлаб чиқарилган барча “Air” электромобилларини қайтариб олишга мажбур бўлди. Компаниянинг 1000 дан ортиқ электромобилларида электр симлари билан боғлиқ муаммолар аниқланган. Бироқ, бу “Lucid Motors” электромобилларига бўлган талабга таъсир қилмади: айни пайтда компания “Air” электромобилини буюртма қилиш учун 37 мингга яқин аризаларни қабул қилган.

Апрель ойида “Lucid Motors” Саудия ҳукуматига келаси ўн йил ичида 100 000 та электромобиль етказиб бериш бўйича келишувга эришди. Қироллик Молия вазирлиги стартап электромобилларининг камида 50 000 та “Air” версияси ва келажак моделларини сотиб олади.

2018 йилда Саудия Арабистони давлат бойлик жамғармаси “Lucid Motors”га 1 миллиард доллар сармоя киритди. Агентлик айни пайтда компаниянинг 62 фоиз акцияларига эгалик қилади.

Жорий йилнинг февраль ойида “Lucid Motors” аллақачон 2022 йил учун ишлаб чиқариш кутилмалари қисқаришини эълон қилди. Компания 12 000 дан 14 000 гача электромобиль ишлаб чиқаришини маълум қилди. Режаларнинг ўзгаришига таъминот занжирларидаги узилишлар ҳам сабаб бўлди. Компания расмийлари томонидан 2021 йилда 4,8 миллиард доллар йўқотилгани таъкидланди.

• АҚШ
• Автомобил
• Электромобил
• Саудия Арабистони