Буюк Британиянинг “Sky” телекомпанияси “Facebook” ва “Meta” компанияси асосчиси Марк Цукербергнинг ҳаёти ҳақида ҳужжатли фильм суратга олади.

Картинанинг ишчи номи "Цукерберг: Метакоинот қироли" бўлиб, унга архив кадрлар, Цукербергнинг яқин инсонларидан олинган интервьюлар жамланади. Фильмнинг умумий давомийлиги 90 дақиқани ташкил этади.

Маълумотларга кўра, ҳужжатли фильмга Ник Грин режиссёрлик қилмоқда. У ўз фаолияти давомида Буюк Британия, Қадимги Рим, қироллик оиласи ва Путин ҳақида ҳужжатли фильмлар суратга олган.

Эслатиб ўтамиз, 2010 йили "Facebook"нинг яратилиш тарихи ва унинг асосчиси ҳақидаги бадиий фильм тақдим этилган эди. Жесси Айзенберг томонидан суратга олинган картина тўртта номинация бўйича "Олтин глобус" мукофотини қўлга киритган. Жаҳон кинопрокатидан эса 224 миллион АҚШ доллари миқдорида фойда кўрган.

• Facebook
• Кино
• Маданият
• Мета
• машҳурлар
• миллиардерлар