Марсга “Curiosity” миссияси учун масъул бўлган NASA жамоаси ровер томонидан ноодатий кулранг тош суратга олинганини эълон қилди. У атроф-муҳит фонида ажралиб туради ва катта эҳтимол билан бу ерга осмондан учиб тушган бўлиши мумкин.

“Бу Шарп тоғи устидаги тошли материалларнинг қолдиқлари ёки ҳатто метеорит бўлиши мумкин бўлган ноодатий кулранг тош”, – дейди сайёра геологи Кетрин О’Коннелл-Купер.

Қайд этилишича, “Curiosity” суратидаги тош Марсда топилган аввалги метеоритларга жуда ўхшайди. Бу сайёра коинотда мавжуд улкан тошлар томонидан “бомбардимон” қилинган узоқ тарихга эга, шунинг учун топилманинг ўзи олимлар учун ажабланарли эмас.

Яна бир савол шундаки, коинотдаги бундай тошлар чуқур ўрганишни талаб қилади, бироқ бу иш ҳали ҳам амалга оширилмаган. Олимларни Марс атроф-муҳитининг таъсири темир метеоритларга қандай таъсир қилиши ва бу метеоритларнинг Ерда содир бўлган тажрибаси билан қандай солиштириш ҳақидаги маълумотлар кўпроқ қизиқтиради.

Қайд этиш мумкин, “Curiosity” NASA’нинг “Mars Science Laboratory (MSL)” миссияси доирасида сайёрадаги “Гейл” кратерини тадқиқ қилиш учун мўлжалланган учинчи авлод ровери ҳисобланади. У ўзидан аввалги “Spirit” ва “Opportunity” роверларидан бир неча баробар каттароқ ва оғирроқ бўлган мустақил кимё лабораториясидир.

“Curiosity” 2011 йил 26 ноябрь куни Канаверал бурнидан учирилган ва 2012 йил 6 август куни Марсдаги Гейл кратери ичидаги “Аеолис Палус”га қўнган. 2012 йил декабрь ойида “Curiosity”нинг икки йиллик миссияси чексиз муддатга узайтирилган.

• Mars
• НАСА