Миллий аэронавтика ва ва коинот агентлиги – NASA “Mars Reconnaissance Orbiter” космик кемасига ўрнатилган “HiRise” камерасидан олинган ноёб суратларни тақдим этди.

Қайд этилишича, улар 2022 йил 22 ноябрда олинган, бироқ тасвирлар эндигина Ерга етиб келган. Кадрлар қурилма Марс сатҳидан 300 км баландликда учганида олинган (камера ўлчамлари ҳар бир пиксел учун 25 см).

Расмларда деярли мукаммал ярим шарлар кўринишидаги қора Марс қумтепалари акс этганини кўриш мумкин. Бу қумли тепаликлар бўлиб, шамол таъсирида Марс юзасида йилига 1 метр тезликда ҳаракатланади (687 Ер куни). Одатда Қизил сайёрадаги қумтепалар тартибсиз шаклга эга. Ушбу тасвир орқали бир неча йил олдин улар қандай кўринишга эга бўлганини кўриш мумкин:

Энди қумлар бир оз пастга эгилган текис ярим шарлар шаклида тўпланган. Бу тепаликлар ҳозир жанубга силжиганидан далолат беради. Ҳар бир тепаликнинг диаметри 236 километрни ташкил қилади.

Эслатиб ўтиш мумкин, “Mars Reconnaissance Orbiter” 2006 йилдан бери “Қизил сайёра” сиртини суратга олиш билан машғул бўлган космик кемадир. МRО миссияси расман 2010 йилда якунига етган, бироқ дрон барқарор ишлашда давом этмоқда ва шу кунгача Марс сайёрасининг янги суратларини Ерга юбормоқда. Мутахассисларнинг фикрича, зонд яна бир неча йил муаммосиз ишлай олади.

• Mars
• НАСА