Ниқоб сизни маймунчечакдан қутқармайди, деди Жаҳон соғлиқни сақлаш ташкилоти (ЖССТ) Европа минтақавий бюроси раҳбари Ханс Клюге.

Аниқланишича, вирус тери билан алоқа қилиш орқали, айниқса жинсий алоқа пайтида юқади ва касал ҳайвондан ҳам юқиши мумкин.

Клюге маймунчечак коронавирус каби хавф туғдирмаслигини ва расмийларнинг ушбу касаллик тарқалишига қарши ҳаракатлари бутун дунё учун куч синови бўлишини таъкидлади.

Маймунчечак ҳаво-томчи йўли билан ҳам тарқалиши мумкин. Вирус билан зарарланган буюмлар, масалан, сочиқ ёки чойшаблар ҳам соғлом инсонга хавф туғдиради.

ЖССТ вакили маймунчечак коронавирус каби хавфли эмаслигини таъкидлади. Бугунги кунда Европада ҳар ой тахминан 100 та янги касалланиш ҳолатлари кузатилмоқда.

Шунга қарамай Европа Иттифоқида маймунчечак тарқалиш хавфининг олдини олиш ёки вирусга қарши эмлашни бошлаш учун чегара назоратини жорий этишни истисно этишган.

• Maymunchechak