200 йилдан бери нашр этиладиган, тиббиёт соҳасида дунёдаги энг нуфузли журналлардан бири — “Тhе Lancet” ўз мақоласида Ўзбекистондаги тиббиёт ислоҳотларини бошқаларга намуна сифатида таъкидлади.

Мақолада болалар саратони ва қон касалликларига қарши курашда глобал саъй-ҳаракатлар етарли эмаслиги қайд этилган. Айниқса, кам ва ўрта даромадли давлатларда бу соҳадаги тенгсизлик жиддий муаммо саналади.

Масалан: Саратонга чалинган болаларнинг 30 фоизидан ками омон қолади. Ўроқсимон анемияга чалинган чақалоқларнинг ярми 5 ёшга етмай вафот этади.

Ўзбекистон эса бу борада намунали ёндашувни кўрсатган: Президент фармони билан болалар саратонига қарши миллий стратегия қабул қилинди;

Тошкентдаги халқаро академик марказ — минтақавий инновацион марказга айланмоқда;

Даволаш, парвариш ва кадрлар тайёрлашда ягона ёндашув жорий этилмоқда.

“Тhе Lancet” бу ислоҳотлар Ўзбекистоннинг глобал соғлиқни сақлаш кун тартибига мос қадамлар қўяётганини кўрсатади, деб таъкидлаган.

• Тиббиёт
• Тошкент