Мамлакатимизда юқумли ва паразитар касалликлар, жумладан, вирусли инфекциялар тарқалишининг олдини олиш масаласига катта эътибор қаратиб келинмоқда.

Бу борада, айниқса, Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази Вирусология илмий-тадқиқот институтининг ўрни катта.

Бу борада амалга оширилаётган ишлар ҳақида муассаса директори Эркин Mусабоев ахборот бериб ўтди.

“Юртимиз бўйлаб вирусли гепатит В ва С турларини барвақт аниқлаш мақсадида 2023 йилдан бошлаб салкам 2  миллион кишини скринингдан ўтказиш режа қилинган эди. Жорий йилнинг олти ойи якуни бўйича бу режа ҳар иккала йўналишда 80,5 фоизга бажарилди ва бир миллион 600 минг нафарга яқин киши скринингдан ўтказилди.

Шу ўринда Германиянинг Ганновер тиббиёт мактаби билан биргаликда “Ўзбекистонда вирус билан чақирилган жигар саратони профилактикаси: Тошкент — Ганновер жигарни ўрганиш тармоғи” лойиҳаси амалиётга татбиқ этилаётганлигини алоҳида таъкидламоқчимиз.

Лойиҳадан кўзланган мақсад юртимизда вирус билан чақирилган жигар саратони профилактикасининг самарали ва барқарор тизимини яратишдан иборат бўлиб, бу йўналишда муайян ишлар рўёбга чиқарилди” – дея сўзларини якунлади Эркин Мусабоев.

• Gepatit
• Ҳисобот
• Касаллик
• Вазирлик