24 сентябрь куни Тошкент вилоятининг Пискент ва Бўка туманларидаги бир неча мактабгача таълим ташкилоти тарбияланувчилари саломатлигида ўзгариш бўлганлиги сабабли тиббиёт бирлашмаларининг юқумли касалликлар бўлимига мурожаат қилинган. Бу ҳақда, Мактабгача ва мактаб таълими вазирлиги хабар берди.

Тиббий кўрик натижаларига кўра, бемор болаларга “ошқозон-ичак фаолиятининг ўткир бузилиши, овқатдан заҳарланиш” ташхиси қўйилган. Оғир аҳволдаги болалар йўқлиги сабабли болаларга зарур муолажалар қилиниб уйларига жавоб берилган.

Вазият Мактабгача ва мактаб таълими вазирлиги томонидан дарҳол назоратга олиниб, уни Санитария-эпидемиологик осойишталик қўмитаси ҳамда ҳуқуқни муҳофаза қилувчи органлар кўриб чиқмоқда.

Дастлабки тахминларга кўра, Оққўрғон туманидаги цехлардан бирида ишлаб чиқарилган сифатсиз сут маҳсулоти – 3,2 фоизли кефир сабаб бўлган.

Ҳозирда беморлардан олинган таҳлиллар ва озиқ-овқат намуналари лабораторияда текширилмоқда. Расмий хулосалар чиққач, қўшимча маълумотлар тақдим этилиши айтилди.

• Тиббиёт
• Toshkent viloyati
• Заҳарланиш