“Реал мадрид” юлдузи Килиан Мбаппе можарога аралашиб қолди. 25 ёшли футболчи Стокголмда қизга нисбатан зўравонлик қилганликда айбланмоқда.

Cerfia нашрининг маълум қилишича, агар Килиан Мбаппенинг айби исботланса, Швеция қонунларига кўра, футболчи олти йилга қамалиши мумкин.

Манбага кўра, футболчининг номи жиноий иш доирасида гумондор сифатида тилга олинмоқда. Швеция полицияси ушбу иш бўйича суриштирувларни бошлаб юборган. Бироқ Килиан Мбаппе гумондор экани ҳақида бирор расмий маълумот берилгани йўқ.

Мбаппе ўтган ёз эркин агент сифатида Мадрид суперклубига кўчиб ўтган эди. “Реал” сафида барча турнирларда 11 та ўйин ўтказиб, ўз ҳисобига еттита гол ва битта ассист расмийлаштирди.

• Mbappe
• Real