Экология вазирлиги бу ҳақида маълумот берди.

Экология вазирлиги маълумотларига кўра, Ўрмон хўжалиги агентлиги тасарруфидаги ўрмонлар билан қопланган майдон 4,4 млн гектарни ташкил этади, бу мамлакат умумий майдонининг 10,6 фоизини ташкил этади.

Президентнинг 2024 йил 27 мартдаги “Халқаро тараққиёт уюшмаси иштирокида “Ўзбекистонда барқарор ўрмон ландшафтларини тиклаш” лойиҳасини амалга ошириш чора-тадбирлари тўғрисида”ги қарори доирасида қуйидаги тадбирлар амалга оширилмоқда:

– 176 минг гектар майдонда ўрмонларнинг табиий тикланишига кўмаклашиш;

– 38,5 минг гектар яйловларни тиклаш;

– 15 минг гектар тоғ ўрмонларида сув тежовчи технологияларни жорий этиш ва тупроқ эрозиясига қарши курашиш;

– 14,2 минг гектар майдонда агроўрмонмелиоратив тадбирларни амалга ошириш;

– 5000 гектар майдонда саноатбоп ўрмонзорлар барпо этиш, шунингдек, 5000 гектар майдонда доривор ўсимликлар плантацияларини ташкил этиш.

Лойиҳа тақдимоти доирасида Ўрмон хўжалиги агентлиги ва Green University ўртасида ҳамкорлик меморандуми имзоланиб, унинг доирасида ўрмон хўжалиги масалалари бўйича илмий тадқиқотлар ўтказиш режалаштирилган.

• Экология
• Қарор
• Вазирлик