Дастлабки маълумотларга кўра, у Россия пойтахтига айнан шов-шувли контент тайёрлаш мақсадида борган.Айтилишича, блогер метро йўловчиларини атайлаб баҳс ва жанжалларга тортиб, уларнинг реакцияларини тасвирга олган ҳамда видеоларни интернетда эълон қилиб келган. Навбатдаги суратга олиш жараёнидан сўнг эса у ҳуқуқ-тартибот идоралари эътиборига тушган.Россия Ички ишлар вазирлиги томонидан эълон қилинган видеода блогер ўз ҳаракатидан афсусда эканини билдириб, бундай хатти-ҳаракатларга йўл қўйиш мумкин эмаслигини билмаганини айтган ва узр сўраган.Маълум қилинишича, у Россияни тарк этишга уринган пайтда аэропортда ушланган. Ҳозирда ҳолат юзасидан текширув ишлари давом этмоқда ва якуний процессуал қарор қабул қилиниши кутилмоқда.