“Исроил АҚШ президенти Доналд Трамп 7-8 июль кунлари Анқарада бўлиб ўтган НАТО саммитидан кейин Туркияга Lockheed Martin F-35 Lightning II қирувчи самолётларини етказиб беришни қўллаб-қувватлаши мумкинлигидан хавотирда”, деб хабар беради Euractiv.

Аввалроқ Трамп Туркияга F-35 қирувчи самолётларини етказиб бериш эҳтимоли ҳақидаги саволга жавоб берар экан, НАТО саммитига ташрифи давомида Анқарани хурсанд қилиши мумкинлигини айтган эди.

Нашрнинг Исроил хавфсизлик манбаларига таяниб ёзишича, F-35 дастурининг бир нечта асосий компонентлари Исроил компаниялари томонидан ишлаб чиқарилмоқда ёки ишлаб чиқилмоқда. Хусусан, буларга ташқи қанот элементлари ва Elbit Systems томонидан ишлаб чиқилган дубулғага ўрнатилган дисплей тизими киради. Euractiv манбаларига кўра, Исроил бу технологияларнинг турк қирувчи самолётларида пайдо бўлиши эҳтимолига жуда салбий муносабатда бўлади.

• АҚШ
• Binyamin Netanyaxu
• Ф-35
• Isroil
• Трамп
• Туркия