“Motorola” компанияси сунъий йўлдош мессенжерига эга биринчи смартфонни тақдим этди. Эндиликда ҳатто Эверестдан хабар юбориш мумкин, бу хусусият “iPhone”нинг сўнгги моделларида ҳам мавжуд эмас.

Янги смартфонлар, масалан, “iPhone 14”, сунъий йўлдош уланишига эга, бироқ бу чекланган: фавқулодда вазиятларда фақат махсус хизматларга SOS сигналларини юбориш мумкин. Таниқли Америка компанияси янада мурваккаб йўлдан борди ва ўрнатилган сунъий йўлдош мессенжерига эга биринчи Андроид смартфон – “Defy 2” ни тақдим этди.

Асосий хусусият

Қурилма “Bullitt Satellite Messenger” иловаси билан олдиндан жиҳохланган бўлади. Бу оддий “хабарлар” хизматининг аналогидир, аммо битта хусусиятга эга. Хатлар уч хил усулда юборилиши мумкин:

Смартфон Wi-Fi ёки уяли тармоққа уланган – хабарлар “Telegram” ёки “WhatsApp” ижтимоий тармоғидаги сингари Интернет орқали бепул юборилади;

Смартфон интернетга уланмаган, лекин тармоққа кириш имконияти мавжуд – хабарлар фойдаланувчининг уяли тарифига мувофиқ юборилади;

Тачаввур қилинг, интернетга уланиш ёки уяли алоқа йўқ – смартфон геостационар сунъий йўлдошга уланади ва у орқали дунёнинг исталган нуқтасидан хабар юбора олади.

Функция обуна асосида мавжуд, бироқ биринчи йил бепул. Кейин йилига 4,99 АҚШ доллари. Абонент тўлови 30 та сунъий йўлдош хабарларини ва фавқулодда хизматларга чексиз миқдордаги SOS сигналларини ўз ичига олади.

“Motorola Defy 2”нинг асосий хусусиятлари:

Экран: 6,6 дюйм, FHD+, IPS, 120 Гц, “Gorilla Glass Vitus” (“Corning” томонидан ишлаб чиқарилган темперли ойнанинг сўнгги авлоди);
Чип: “MediaTek Dimensity 930”;
Батарея: 5000 мА/соат (15 Вт тез зарядлаш);
Камералар: асосий 50 МП, кенг бурчакли 8 МП, макро модул 2 МП, олд камера 8 МП;
Ҳимоя: IP68 ва IP69К;
Хотира: кўрсатилмаган;
Тизим: Андроид 12 дан Андроид 14 гача янгиланиш хусусияти.

Бошқа қулайликлар қаторида, орқа панелда бармоқ излари сканери, UCB-C порти, микроСД уяси ва 3,5 мм ўтказгич мавжудлигини таъкидлаш жоиз. Камчиликлари: пластик қути, эскирган дизайн ва экран атрофидаги даҳшатли рамкалар.

Мавжудлиги

“Motorola Defy 2”га олдиндан буюртмалар АҚШ ва Канадада аллақачон очиқ. Нархи – 599 АҚШ доллари (жорий курс бўйича 6 750 000 сўм). Бошқа мамлакатларда смартфон CAT С75 номи билан сотилади. Ҳозирча Ўзбекистонда мавжудлиги ҳақида маълумот йўқ.

• Motorola
• Smartfon
• iPhone