Музқаймоқ тарихи 5 минг йил олдинги даврларга бориб тақалади. Мил. авв. 3000 йилликда Хитойда бадавлат хонадонларда дастурхонга қор ёки муз аралаштирилган мева шарбати тортилган. Уни тайёрлаш ва сақлаш рецепти қатъий сир тутилган.

Александр Македонский даврида ҳам “Қорга қорилган мева” истеъмол қилишган. Тоғларга қор учун уни эритмай етказиб келадиган ва махсус шуғулланган чопқир қуллар юборилган. Ривоятларга кўра, 1295 йилда Марко Поло шарққа қилган саёҳатидан музқаймоқ тайёрлаш рецептини олиб келган. Ўшандан бошлаб бу салқин ширинлик аслзодалар дастурхони доимий кўркига айланган.

1843 йилда инглиз хоними Ненси Жонсон музқаймоқ тайёрлайдиган қурилма ихтиро қилиб патент олган. Аммо янги ускунани ишлаб чиқариш учун пули етмаган. Патентни америкалик Жескоб Фасселга сотишга мажбур бўлган. Фассел 1851 йилда Балтиморда биринчи музқаймоқ ишлаб чиқарувчи завод қурган. Ўшандан буён музқаймоқ бутун дунёга тарқалди ва ҳанузгача такомиллашиб бормоқда.

• Lifestyle
• Muzqaymoq
• қизиқарли