NASAнинг "Орион"космик кемаси Ойга парвозининг 26-кунида Ерга қайтиб келди. Қўниш капсуласи Тинч океанининг Гуадалупе ороли яқинидаги қисмига келиб тушган.

Космик кема Ер атмосферасига кирган вақтида капсула "Орион"нинг асосий модулидан ажралиб чиққан. Қурилмани қўниш манзилида АҚШ ҲДКнинг "Портлэнд" десант кемаси кутиб олган.

"Орион" кемаси  парвоз мобайнида Ой атрофидан икки марта – 21 ноябрь ва 5 декабрь кунлари учиб ўтган, унинг юзасига 130 километргача яқинлашган.

Кеманинг жорий парвози учувчиларсиз амалга оширилган, астронавтларни "Орион" бортида Ойга учириш 2024 йилнинг охирларига режалаштирилган. Шу тариқа дастур доирасида 2025-2026 йилга келиб одамларни Ойга чиқариш назарда тутилган.

Эслатиб ўтамиз, инсоният охирги марта Ойга бундан 50 йил аввал борган. Бу Американинг "Апполон-17" кемаси экипажи аъзолари эди.

NASAнинг Ойни забт этишга қаратилган янги лойиҳасига "Артемида" дея ном берилган бўлиб, Артемида қадимги юнон мифологиясида илоҳ Апполоннинг синглиси бўлган.

• Коинот
• НАСА
• илм-фан
• kosmos
• хабар