Навоий вилояти ҳокими Қобул Турсуновнинг ишдан олингани айтилмоқда.

Kun.uz манбасига кўра, бугун халқ депутатлари Навоий вилояти кенгашининг навбатдан ташқари сессияси бўлиб ўтмоқда ва унда ташкилий масала кўриб чиқилади. Унди Қобул Турсунов эгаллаб турган вазифасидан озод қилиниб, унинг ўрнига вилояти ҳокими вазифасига Халқ банки бошқаруви раиси вазифасида фаолият юритиб келган Шуҳрат Атабаев тайинланиши кутилмоқда.

5 йилдан буён вилоят ҳокими вазифасида ишлаб келган Қобул Турсуновнинг лавозимдан олиниши сабаби ҳозирча маълум эмас.

Мазкур хабар ортидан вилоятнинг янги ҳокимининг ким бўлиши борасида турли тахминлар тарқалмоқда. Жумладан, айрим манбалар бу лавозимга Халқ банки бошқаруви раиси Шуҳрат Атабаев эмас, балки Тошкент шаҳар Давлат солиқ инспекцияси бошлиғи Турсунов Нормат Тулқинович тайинланиши ҳақидаги маълумотларни тарқатмоқда.

• Навоий
• Сиёсат
• ҳоким