“Ўзенергоинспексия” Навоий вилоят ҳудудий бошқармаси, вилоят прокуратура ва газ таъминоти корхонаси билан ҳамкорликда ўтказилган назорат тадбирида Навбаҳор туманида жойлашган “С.А.С.” МЧЖга қарашли автомобилларга газ тўлдириш компрессор шохобчаси табиий газдан ноқонуний фойдаланиб келаётгани аниқланди.

Хусусан, ушбу АГТКШда газ сарфини ўлчаш комплексига ўрнатилган қурилманинг кириш-чиқиш қисмидаги газ жўмракларига давлат стандарт талабларига зид равишда номаълум жисм жойлаштирилиб, ҳисоблагичга ташқи таъсир кўрсатилганлиги маълум бўлди.

Ушбу қоидабузарлик натижасида дастлабки ҳисоб-китобларга кўра газ таъминоти корхонасига 26 миллиард 27 млн сўмлик зарар етказганлиги маълум бўлди.

Мазкур ҳолат юзасидан ҳуқуқни муҳофаза қилиш органлари томонидан терговга қадар текширув ишлари олиб борилмоқда.

• AGTSHK
• MCHJ
• Навоий
• Qoidabuzarlik