Исроил ҳукумати матбуот хизмати хабар беришича, Исроил Бош вазири Бинямин Нетаняху қўшинларни олиб чиқиш ва блокададаги Ғазо секторига ҳужумларни тўхтатишдан бош тортмоқда.

Ахборотда айтилишича, Нетаняху Ғазо секторидаги исроиллик маҳбусларни озод қилиш бўйича музокаралар олиб бораётган делегацияга бир неча бор кенг ваколатлар берган. ХАМАС етакчиси Яҳё Синвар Исроил армиясини Ғазо секторидан олиб чиқиб кетишга чақирган, бироқ Нетаняху бу таклифни яна рад этган.

Исроил ҳукумати раҳбари ҳарбий Вазирлар Маҳкамаси йиғилиши бошланишидан олдин Ғазодаги урушни тугатиш масаласи бўйича муаммо борлигини билдирган.

Маълумот учун, 25 май куни Исроил ХАМАС билан асирларни алмашиш ва ўт очишни тўхтатиш бўйича музокаралар кейинги ҳафта давом этишини эълон қилган эди, бироқ ХАМАС бу ҳақда маълумот олмаганини айтди.

• Binyamin Netanyaxu
• Фаластин
• Isroil