19 апрел куни АҚШнинг Netflix стриминг хизмати акциялари 26,37 фоизга тушиб, ҳар бир акция учун 256,5 долларни ташкил қилди. Америка биржаси NASDAQ маълумотларига кўра, охирги марта стриминг хизматининг қимматли қоғозлари ушбу даражада 2019 йил сентябрида сотилган. Компания 200 минг обунчани йўқотган. 

Бу пасайиш 2011 йилдан бери биринчи марта кузатилмоқда. Netflix, хусусан, Россияда ушбу хизматнинг ёпилиши 700 минг обуначини йўқотишига олиб келганини айтди. Компания жорий чоракда пуллик обуначилар сонининг 2 миллионга камайишини башорат қилмоқда.

Чораклик ҳисоботга кўра, Netflix'нинг биринчи чоракдаги жами даромади 9,8 фоизга ўсиб, 7,87 миллиард долларни ташкил этди. Бир акция бошига тушган даромад (ЭПС) 3,53 долларни ташкил этган Уолл-стрит таҳлилчиларининг 2,91 долларлик прогнозларидан ҳам ошиб кетди. Операцион даромад 1,97 миллиард долларни ташкил этди, бу ўтган йилга нисбатан атиги 0,6 фоизга кўп. Жами соф даромад ўтган йилнинг шу даврига нисбатан 6,44 фоизга камайиб, 1,59 миллиард долларни ташкил этган. 

Маълумот учун, АҚШнинг Netflix стриминг хизмати ҳозирда 226,1 миллион обуначига эга. 

Эслатиб ўтамиз, аввалроқ Netflix фойдаланувчиларни Россияда иш тўхтатилгани ҳақида хабардор қилганди.

• АҚШ
• Акция
• Жаҳон
• Netflix